കണ്ണ്

വിക്കിനിഘണ്ടു സംരംഭത്തിൽ നിന്ന്
Jump to navigation Jump to search

മലയാളം[തിരുത്തുക]

Wikipedia-logo-v2-ml.svg
വിക്കിപീഡിയയിൽ
കണ്ണ് എന്ന വിഷയത്തെക്കുറിച്ച് ഒരു ലേഖനമുണ്ട്.
വിക്കിപീഡിയ
Eye iris.jpg

ഉച്ചാരണം[തിരുത്തുക]

നാമം[തിരുത്തുക]

കണ്ണ്

  1. കാണുന്നതിനുള്ള ഇന്ദ്രിയം
  2. കാഴ്ച, നോട്ടം, ആഗ്രഹത്തോടുകൂടിയുള്ള നോക്ക്;
  3. കണ്ണി, വലയുടെയും മറ്റും കണ്ണി;
  4. മയിൽപ്പീലിയിലും മറ്റും കാണുന്ന കണ്ണിന്റെ ആകൃതിയിലുള്ള അടയാളം തേങ്ങാച്ചിരട്ടയുടെ മുകൾഭാഗത്തു കുഴിഞ്ഞു കാണുന്ന ഭഗം, ഓരോ ചിരട്ടയിലും മൂന്നുകണ്ണ്;
  5. മുലക്കണ്ണ്;
  6. ചില ചെടികളിൽ മുള പൊടിക്കുന്ന ഭാഗം, ഉദാ. കരിമ്പിന്റെ കണ്ണ്;
  7. പരു ചിരങ്ങ് മുതലായവയുടെ നടുവ്, മുഖം;
  8. നെന്മണിയുടെ തലപ്പ്, കതിരിൽ പിടിക്കുന്ന ചെറുഞ്ഞെട്ട്;
  9. അധികാരസ്ഥാനം, പദവി;
  10. ഏറ്റവും പ്രധാനപ്പെട്ടത്. (പ്ര.) കണ്ണ് അഞ്ചുക; കണ്ണ് അടയുക = മരിക്കുക; കണ്ണ് അടയ്ക്കുക = മരിക്കുക;
  11. കണ്ടില്ല എന്നുഭാവിക്കുക, വിഗണിക്കുക;
  12. ഉറങ്ങുക; കണ്ണ് അടിക്കുക; കണ്ണ് അയയ്ക്കുക = നോക്കുക, കടാക്ഷിക്കുക; കണ്ണ് അറിയുക = പ്രഭാതത്തിൽ വസ്തുക്കളെ കഷ്ടിച്ചു കണ്ടറിയാൻ സാധിക്കുക,
  13. വിവേകം ഉണ്ടാകുക; കണ്ണ് ഇറുക്കുക = കണ്ണുകൊണ്ടു സൂചന നൽകുക, വിലക്കുക; കണ്ണ് ഉരുട്ടുക = കോപം പ്രകടിപ്പിക്കുക, ഭയപ്പെടുത്തുക; കണ്ണ് ഓടിക്കുക = ഓടിച്ചു വായിക്കുക, ദ്രുതഗതിയിൽ നോക്കുക, കണ്ണു കടിക്കുക = അസൂയ തോന്നുക; കണ്ണും കണ്മണിയും; കണ്ണും കവിളും കാട്ടുക; കണ്ണു കാണിക്കുക = കണ്ണു കൊണ്ടു നിർദ്ദേശം കൊടുക്കുക; കണ്ണു കീറുക, ഉദാ. കണ്ണു കീറിയിട്ടുണ്ടെങ്കിൽ കണ്ടുകൂടാ = തീരെ വെറുപ്പാണ്; കണ്ണുചുവക്കുക = കോപം വരിക
  14. പഞ്ചേന്ദ്രിയങ്ങളിൽ ഒന്ന്, കാണുവാൻ ഉപയോഗിക്കുന്ന അവയവം.
  15. വലയിലുള്ള ഇട- വലക്കണ്ണ്
  16. ദ്വാരം- സൂചിക്കണ്ണ്, തേങ്ങാക്കണ്ണ്, മുലക്കണ്ണ്
  17. ഏറ്റവും പ്രധാനമായത്, കണ്ണായ സ്ഥലം
  18. ഏറ്റവും പ്രിയപ്പെട്ടത്, എന്റെ കണ്ണല്ലേ നീ

പദോല്പ്ത്തി[തിരുത്തുക]

തമിഴ്, തെലുങ്ക് കൺ, കണ്ണു

പര്യായം[തിരുത്തുക]

  1. ലോചനം
  2. വിലോചനം
  3. നേത്രം
  4. ഈക്ഷണം
  5. ചക്ഷുസ്സ്
  6. ദൃക്ക്
  7. ദൃഷ്ടി
  8. നയനം
  9. അക്ഷി

ശൈലി/ പ്രയോഗങ്ങൾ[തിരുത്തുക]

  1. കണ്ണുകാണിക്കുക = കണ്ണുകൾ കൊണ്ട് ആംഗ്യം കാണിക്കുക, ശൃംഗാരം നടിക്കുക
  2. കണ്ണിൽ മണ്ണിടുക= കബളിപ്പിക്കുക
  3. കണ്ണടയ്ക്കുക= കണ്ടില്ലെന്നു നടിക്കുക, കാര്യമാക്കാതിരിക്കുക, മരണപ്പെടുക.
  4. കണ്ണുകടി = അസൂയ
  5. കണ്ണുവയ്ക്കുക = ആഗ്രഹിക്കുക
  6. കണ്ണു തുറക്കുക=മനസ്സിലാക്കുക, അറിയുക, ശ്രദ്ധിക്കുക
  7. കണ്ണിലുണ്ണി=ഏറ്റവും ഇഷ്ടപ്പെട്ട വ്യക്തി
  8. കണ്ണായ ഇടം- പ്രധാനപ്പെട്ട സ്ഥലം
  9. കണ്ണീൽ എണ്ണ ഒഴിച്ച് കാത്തിരിക്കുക്- കഷ്ടപ്പെട്ട, ഉറങ്ങാതെ കാത്തിരിക്കുക

ചൊല്ലുകൾ[തിരുത്തുക]

  1. കണ്ണു പോയാലേ കാഴ്ചയുടെ വിലയറിയൂ
  2. കണ്ണുള്ളപ്പോൾ കണ്ണിന്റെ വില അറിയില്ല
  3. കണ്ണില്ലാത്തൊരു പൊണൻ
    കാഴ്ചകൾ കാണ്ണാൻ ഇഛിക്കുന്നതുപോലെ (നമ്പ്യാർ)
  4. കണ്ണുണ്ടായാൽ പോരാ , കാണണം
  5. കണ്ണുള്ളപ്പോൾ കാണണം, കയ്യുള്ളപ്പോൾ തിന്നണം,

തർജ്ജമകൾ[തിരുത്തുക]

  1. ഇംഗ്ലീഷ്: eye
  2. തമിഴ്: கண்
  3. അറബി: عين
  4. ഹിന്ദി: आंख
"https://ml.wiktionary.org/w/index.php?title=കണ്ണ്&oldid=539701" എന്ന താളിൽനിന്ന് ശേഖരിച്ചത്