കണ്ണി

മലയാളം

ഉച്ചാരണം

• ശബ്ദം:

  (പ്രമാണം)

നാമം

കണ്ണി

പദോൽപ്പത്തി: <കണ്ണ്

1. മാലയിലെയോ ചങ്ങലയിലെയോ ഏറ്റവും ചെറിയ ഘടകം, ചങ്ങലവളയം;
2. വലയിലെ ഒരു കള്ളി, നൂൽക്കെട്ടുകൾക്കിടയിലുള്ള പഴുത്;
3. ഉപ്പു വിളയിക്കുന്ന ഓരുപാടത്തിന്റെ ഒരു ചെറിയ ഖണ്ഡം (കളം);
4. കൈവിരലുകളിലെ സന്ധികൾ, സന്ധിവരകൾ;
5. വെറ്റിലക്കൊടിയുടെയും മറ്റും ചെറുശാഖ, ചിനപ്പ്, ഉദാ. ഇത്തിൾക്കണ്ണി, മുളകുകൊടിക്കണ്ണി;
6. പയറിന്റെ പൂങ്കുല;
7. ചെറിയത്, കുരുന്ന് (മാങ്ങായെന്നതുപോലെ) താരത. കന്ന്, ഉദാ. കണ്ണീമാങ്ങാ;
8. കുരുക്ക്, താരത. കെണി;
9. ആറ്റുതിട്ട, പുഴയുടെ തീരം, ഉദാ. ആറ്റിന്റെ കണ്ണിയിൽ നിൽക്കുന്ന വൃക്ഷം;
10. ഒരിനം നീണ്ട മത്സ്യം;
11. അടുപ്പിന്റെ കോണ്;
12. ഭൂമിയിൽനിന്ന് ഊറ്റു പുറത്തേക്കു വരുന്ന ഭാഗം, ഉദാ. ഉറവക്കണ്ണി;
13. അടുക്ക്, കെട്ട് (പുകയിലയുടെ എന്നപോലെ); കണ്ണീർ, താരത. തണ്ണി; (പ്ര.) കണ്ണി എണ്ണിക്കുക = കഷ്ടപ്പെടുത്തുക; കണ്ണികഴിക്കുക = ചങ്ങല അറ്റുപോകുക, മരിക്കുക; കണ്ണികുത്തുക = ചില്ലപൊട്ടുക

നാമം

കണ്ണി

1. കണ്ണുകളുള്ളവൾ (സമാസത്തിൽ);
2. വയറ് എന്നതിനോടുചേർന്ന് ഗർഭിണി എന്നർഥം, വയറ്റുകണ്ണി;
3. ചക്കര വാർക്കുന്നതിനു ഓലകൊണ്ട് ഉണ്ടാകുന്ന അച്ച്, ഓലക്കണ്ണി