വിക്കിനിഘണ്ടു:ലിംഗ്വ ലിബ്ര

ലിംഗ്വ ലിബ്ര [English: Lingua Libre] എന്നത് വാക്കുകളുടെ ഉച്ചാരണം റെക്കോർഡ് ചെയ്യാനുള്ള ഒരു ഉപകരണമാണ്. ഈ ഉപകരണം ഉപയോഗിച്ച് റെക്കോർഡ് ചെയ്യേണ്ട വാക്കുകളുടെ ലിസ്റ്റ് നിർമ്മിക്കാനും, എളുപ്പത്തിൽ ഈ വാക്കുകളുടെ ഉച്ചാരണം റെക്കോർഡ് ചെയ്യാനും സാധിക്കും. വിക്കിനിഘണ്ടുവിലുള്ള വാക്കുകളുടെ ഉച്ചാരണം ലിംഗ്വ ലിബ്ര ഉപയോഗിച്ച് എളുപ്പത്തിൽ റെക്കോർഡ് ചെയ്യാവുന്നതാണ്. വിക്കിനിഘണ്ടൂവിനെക്കൂടാതെ, മലയാളം വിക്കിപീഡിയ, വിക്കിഡേറ്റ മുതലായ സംരംഭങ്ങളിലേക്ക് ആവശ്യമുള്ള റെക്കോർഡിങ്ങുകളും ലിംഗ്വ ലിബ്ര ഉപയോഗിച്ച് റെക്കോർഡ് ചെയ്യാവുന്നതാണ്.

റെക്കോർഡിങ്ങ്

ലിംഗ്വ ലിബ്രയിൽ ഒരു അക്കൗണ്ട് തുടങ്ങുക. വിക്കിമീഡിയ സംരംഭങ്ങളിൽ അക്കൗണ്ട് ഉള്ള ആളാണെങ്കിൽ അതേ ഉപയോക്തൃനാമവും, രഹസ്യവാക്കും ഉപയോഗിച്ച് ലോഗിൻ ചെയ്യാവുന്നതാണ്.
റെക്കോർഡ് വിസാഡ് എന്ന ഒപ്ഷനിൽ ഞെക്കി റെക്കോർഡിങ്ങിന് സജ്ജമാകുക. മൈക്രോഫോൺ ടെസ്റ്റ് ചെയ്യുക. ഉപയോക്താവിനെക്കുറിച്ചുള്ള വിവരങ്ങൾ റെക്കോർഡിങ്ങ് വിസാഡിൽ ചേർക്കുക.
അടുത്ത പേജിൽ ഭാഷ 'Malayalam' എന്ന് തിരഞ്ഞെടുക്കുക. വിക്കിനിഘണ്ടുവിലെ വാക്കുകൾ ലിസ്റ്റ് രൂപത്തിൽ ലിംഗ്വ ലിബ്രയിൽ സൂക്ഷിച്ചിട്ടൂണ്ട്. ലിസ്റ്റിൽ നിന്നുള്ള വാക്കുകൾ റെക്കോർഡ് ചെയ്യാനായി 'Local list' എന്ന ഒപ്ഷനിൽ ഞെക്കി, ശേഷം Mal/അ എന്ന ലിസ്റ്റ് തിരഞ്ഞെടുക്കുക. 'അ' എന്ന അക്ഷരത്തിൽ തുടങ്ങുന്ന വാക്കുകളുടെ ഉച്ചാരണം റെക്കോർഡ് ചെയ്യാനായി ഈ ലിസ്റ്റ് ഉപയോഗിക്കാം. മറ്റേതെങ്കിലും അക്ഷരത്തിൽ തുടങ്ങുന്ന വാക്കുകളുടെ റെക്കോർഡിങ്ങിനായി ആ അക്ഷരത്തിൻ്റെ ലിസ്റ്റ് തിരഞ്ഞെടുക്കാവുന്നതാണ്.
ലിസ്റ്റിൽ നിന്നുള്ള വാക്കുകൾ ഒന്നൊന്നായി റെക്കോർഡ് ചെയ്യുക. കഴിയാവുന്നത്ര വാക്കുകൾ റെക്കോർഡ് ചെയ്തശേഷം 'Next' അമർത്തി, റെക്കോർഡ് ചെയ്ത ഉച്ചാരണങ്ങൾ പുനഃപരിശോധിക്കാനായി ശ്രവിച്ചു നോക്കുക. തെറ്റായ റെക്കോർഡിങ്ങുകൾ ഉണ്ടെങ്കിൽ അവ ഇവിടെ നിന്ന് ഡിലീറ്റ് ചെയ്യാം.
ശേഷം 'Upload to Wikimedia Commons' എന്ന ബട്ടൺ ഞെക്കി എല്ലാ ഉച്ചാരണങ്ങളും വിക്കിമീഡിയ കോമൺസിലേക്ക് ബാച്ച് അപ്ലോഡ് ചെയ്യാവുന്നതാണ്. മലയാളത്തിലുള്ള എല്ലാ റെക്കോർഡിങ്ങുകളും വിക്കിമീഡിയ കോമൺസിലെ ഈ വർഗ്ഗത്തിൽ കാണാം.

ഓഡിയോ ഫയൽ ചേർക്കൽ

റെക്കോർഡ് ചെയ്ത ഓഡിയോ ഫയൽ വിക്കിനിഘണ്ടുവിലേക്ക് ചേർക്കാനായി {{audio|LL-Q36236 (mal)-YourName-{{subst:PAGENAME}}.wav}} എന്ന ഫലകം ചേർത്താൽ മതിയാകും. ഫലകത്തിൽ YourName എന്നതിനു പകരം റെക്കോർഡ് ചെയ്ത വ്യക്തിയുടെ പേര്, ലിംഗ്വ ലിബ്രയിൽ ചേർത്ത അതേപോലെ ചേർത്താൽ മതിയാകും. ഇപ്രകാരം ഓഡിയോ ഫയൽ ചേർത്ത ഒരു ഉദാഹരണം ഇവിടെ കാണാം.