വിക്കിപീഡിയ
വിക്കിനിഘണ്ടു, ഒരു സ്വതന്ത്ര ബഹുഭാഷാനിഘണ്ടു.
ഉള്ളടക്കം |
[തിരുത്തുക] മലയാളം
[തിരുത്തുക] പദോത്പത്തി
ഇംഗ്ലീഷ് Wikipedia എന്ന പദത്തില്നിന്ന്
[തിരുത്തുക] സംജ്ഞാനാമം
- ഒരു സ്വതന്ത്ര ഉള്ളടക്കത്തോടുകൂടിയതും ഇന്റര്നെറ്റിലുള്ള ഉപയോക്താക്കള് സാമൂഹ്യസഹകരണത്തിലൂടെ സൃഷ്ടിച്ചതുമായ ഒരു വിജ്ഞാനകോശമാണ് വിക്കിപീഡിയ. വിക്കിമീഡിയ ഫൗണ്ടേഷന്റെ മേല്നോട്ടത്തിലുള്ള ഈ വിജ്ഞാനകോശം ഇംഗ്ലീഷില് ആരംഭിച്ചത് 2001 ജനുവരി 15-നാണ്. അനേകം എഴുത്തുകാരുടേയും വായനക്കാരുടേയും സഹകരണത്തോടെ സൃഷ്ടിക്കപ്പെട്ടിരിക്കുന്ന ഒരു സ്വതന്ത്ര ഓണ്ലൈന് വിജ്ഞാനകോശമാണ് വിക്കിപീഡിയ.
വിക്കിമീഡിയ ഫൗണ്ടേഷന് എന്ന ലാഭേച്ഛകൂടാതെ പ്രവര്ത്തിക്കുന്ന സ്ഥാപനമാണ് ഇപ്പോള് വിക്കിപീഡിയയെ നിയന്ത്രിക്കുന്നത്. എല്ലാ ഭാഷകളിലും സ്വതന്ത്രവും സമ്പൂര്ണ്ണവുമായ വിജ്ഞാനകോശം ഉണ്ടാക്കാനുള്ള കൂട്ടായ ശ്രമമാണ് വിക്കിമീഡിയ ഫൗണ്ടേഷന്റേത്.
229 ഭാഷകളില് വിക്കിപീഡിയയുടെ പതിപ്പുകളുണ്ട്. പതിനെട്ടുലക്ഷത്തിലധികം ലേഖനങ്ങളുള്ള ഇംഗ്ലീഷ് പതിപ്പാണ് ([1]) ഈ സംരംഭത്തില് വിഷയങ്ങളുടേയും താളുകളുടേയും വലുപ്പത്തില് മുന്നില് നില്ക്കുന്നത്. മലയാളമടക്കം 14 ഇന്ത്യന്ഭാഷകളിലും വിക്കിപീഡിയ പ്രവര്ത്തിക്കുന്നു.
വിക്കിപീഡിയ വെബ് പേജില് ലേഖനങ്ങളെഴുതാനും അവ തിരുത്തുവാനും ഏവര്ക്കും സ്വാതന്ത്ര്യവും സൗകര്യവും നല്കുന്ന വിക്കിസോഫ്റ്റ്വെയര് ആണ് ഈ സ്വതന്ത്രവിജ്ഞാനകോശത്തിന്റെ അടിസ്ഥാനം.
[തിരുത്തുക] വിക്കിപീഡിയര്
വിക്കിപീഡിയക്കായി സേവനങ്ങള് ചെയ്യാന് സന്നദ്ധരായവരെ പൊതുവേ വിക്കിപീഡിയര് എന്നു വിളിക്കുന്നു. ഇവരുടെ സമൂഹത്തെ വിക്കിസമൂഹമെന്നും പറയുന്നു. വിക്കിപീഡിയ എന്താണെന്ന വ്യക്തമായ അവബോധത്തോടെ സേവനങ്ങള് ചെയ്യുകയും വിജ്ഞാനതൃഷ്ണയും, അറിവു പങ്ക് വെക്കാനുള്ള മനസ്സും,പരസ്പരബഹുമാനവും ഉള്ള സ്വതന്ത്രസമൂഹമാണ് വിക്കിപീഡിയരുടേത്.
[തിരുത്തുക] കാര്യനിര്വ്വാഹകര്
വിക്കിയിലെ സാധാരണ ഉഅപയോക്താക്കള് ചെയ്യുന്നതു കൂടാതെ ഉണ്ടായേക്കാവുന്ന അനാവശ്യതിരുത്തലുകള് നീക്കം ചെയ്ത് വിക്കിപീഡിയയെ സുരക്ഷിതമാക്കി നിലനിര്ത്തുന്നതിലേക്കായി വിക്കിപീഡിയരില് ചിലരെ കാര്യനിര്വ്വാഹകര് (സിസോപ്പുകള്) ആയി തിരഞ്ഞെടുക്കുന്നു. വിക്കിപീഡിയയില് ഉണ്ടായേക്കാവുന്ന അനാവശ്യതിരുത്തലുകള്, അങ്ങനെ തിരുത്തലുകള് വരുത്തുന്നവരെ തടയുക എന്നിവയാണ് കാര്യനിര്വ്വാഹകരുടെ പ്രധാന ജോലി.
[തിരുത്തുക] ബ്യൂറോക്രാറ്റുകള്
സാധാരണ വിക്കിപീഡിയരേയും സിസോപ്പുകളേയും അപേക്ഷിച്ച് ജോലിഭാരം കൂടിയ ഉപവിഭാഗമാണ് ബ്യൂറോക്രാറ്റുകള്. ഇവരേയും മറ്റു വിക്കിപീഡിയര് തിരഞ്ഞെടുക്കുന്നതാണ്. വൃത്തിയാക്കല്, തങ്ങളുടെ സൃഷ്ടികളേയും മറ്റും സംരക്ഷിക്കുക, എന്നീ ജോലികള്ക്കു പുറമേ വിക്കിപീഡിയര് നിയോഗിക്കുന്ന സിസോപ്പുകളേയും മറ്റു ബ്യൂറോക്രാറ്റുകളേയും അത്തരത്തില് മാറ്റുക, വിക്കിപീഡിയയുടെ സ്രോതസ് രൂപത്തില് എന്തെങ്കിലും മാറ്റം വരുത്തുക എന്നീ കാര്യങ്ങളും ബ്യൂറോക്രാറ്റുകള് ചെയ്യുന്നു.
[തിരുത്തുക] ചരിത്രം
2001 മാര്ച്ച് 16നു ആരംഭിച്ച ജര്മ്മന് ഭാഷയിലുള്ള വിക്കിപീഡിയയാണ് രണ്ടാമത്തെ വിക്കിപീഡിയ. തുടര്ന്നുള്ള മാസങ്ങളില് ഫ്രഞ്ച്, ചൈനീസ്, ഡച്ച്, ഹീബ്രു, ഇറ്റാലിയന്, റഷ്യന് തുടങ്ങിയ ഭാഷകളില് വിക്കിപീഡിയ ആരംഭിച്ചു. 2002 ജൂണ് മാസത്തില് പഞ്ചാബി, അസ്സാമീസ്, ഒറിയ ഭാഷകളില് വിക്കിപീഡിയ ആരംഭിച്ചു. 21ഡിസംബര് 2002ല് മയാളം വിക്കിപീഡിയ ആരംഭിച്ചു. 2003-ഫെബ്രുവരിയില് ബീഹാറി, മെയ് 2003-നു മറാഠി, ജൂണ് 2003-നു കന്നഡ, ജൂലൈ 2003-നു ഹിന്ദി, സെപ്തംബര് 2003-നു തമിഴ്, ഡിസംബര് 2003-നു തെലുഗ്, ഗുജറാത്തി, ജനുവരി 2004-നു ബംഗാളി എന്നീ ഇന്ത്യന് ഭാഷകളില് വിക്കിപീഡിയ ആരംഭിച്ചു.
