വിക്കിനിഘണ്ടു:എന്തൊക്കെയല്ല
വിക്കിനിഘണ്ടു, ഒരു സ്വതന്ത്ര ബഹുഭാഷാനിഘണ്ടു.
വിക്ഷണറി അഥവാ വിക്കിനിഘണ്ടു ഒരു ഓണ്ലൈന് നിഘണ്ടു ആണ്; പ്രസ്തുത ലക്ഷ്യത്തിലേക്കായി യത്നിക്കുന്ന ഒരു ഓണ്ലൈന് സമൂഹവുമാണ്. ആയതിനാല് വിക്കിനിഘണ്ടു ചിലതൊക്കെ അല്ല.
[തിരുത്തുക] വിക്കിനിഘണ്ടു എന്തൊക്കെയല്ല
- വിക്കിനിഘണ്ടു ഒരു വിജ്ഞാനകോശമല്ല, വംശാവലിശേഖരമല്ല, ഭൂപടപുസ്തകവുമല്ല; എന്നുവച്ചാല് ഇത് വസ്തുതളെക്കുറിച്ച് ആഴത്തില് വിവരം നല്കാനുള്ളതോ, വ്യക്തികളെയോ സ്ഥലങ്ങളെയോ പറ്റിയുള്ള വിവരങ്ങള് ശേഖരിച്ചുവയ്ക്കാനുള്ള ഒരു പ്രസ്ഥാനം അല്ല. താങ്കള് ഒരു വിജ്ഞാനകോശമാണ് അന്വേഷിക്കുന്നതെങ്കില് ദയവായി മലയാളം വിക്കിപീഡിയ നോക്കുക. വിക്കിനിഘണ്ടു താളുകള് വാക്കുകളെക്കുറിച്ചാണ്. ഒരു വിക്കിനിഘണ്ടു താള് ഭാഷാസംബന്ധവും പദനിര്മാണസംബന്ധവുമായ കാര്യങ്ങള്: സ്പെല്ലിംഗ്, ഉച്ചാരണം, പദോത്പത്തി, വിവര്ത്തനം, ഉപയോഗക്രമം, ഉദ്ധരണി എന്നിവയും ഇവയോടു ബന്ധപ്പെട്ട വാക്കുകളും കാര്യങ്ങളും കൈകാര്യം ചെയ്യുന്നവയാവണം.
- വിക്കിനിഘണ്ടു കടലാസല്ല. വിക്കിനിഘണ്ടുവിന് ഫലത്തില് പരിമാണപരിമിതികളില്ല, കൂടുതല് കണ്ണികള് ചേര്ക്കാം, അങ്ങനെ.. അതുപോലെതന്നെ കടലാസില് എഴുതുമ്പോള് ശ്രദ്ധിക്കേണ്ട ശൈലി, വലുപ്പം എന്നിവ സംബന്ധിച്ച നിഷ്കര്ഷകള് ഇവിടെ ഉചിതമാവില്ല.
- വിക്കിനിഘണ്ടു ഒരു പ്രസംഗവേദിയോ, ചാറ്റ്റൂമോ, ചര്ച്ചാവേദിയോ അല്ല.
- വിക്കിനിഘണ്ടു കണ്ണികളുടെയോ, ചിത്രങ്ങളുടെയോ, മറ്റു ദൃശ്യസ്രാവ്യമാധ്യമങ്ങളുടെയോ ഒരു പ്രതിശേഖരമല്ല. വിക്കിനിഘണ്ടുവില് ചേര്ക്കുന്ന എന്തു കാര്യവും ദയാരഹിതമായി തിരുത്തപ്പെട്ടേക്കാം.
- വിക്കിനിഘണ്ടു ഒരു സൗജന്യ വിക്കി ഹോസ്റ്റോ വെബ്സ്പേസ് ദാതാവോ അല്ല. വിക്കിനിഘണ്ടുവില് താങ്കള് സ്വന്തം വെബ്സൈറ്റ് ഹോസ്റ്റ് ചെയ്യാന് പാടില്ല. താങ്കള്ക്ക് വിക്കി സാങ്കേതികവിദ്യ ഉപയോഗിച്ച് വിക്കിനിഘണ്ടുസംബന്ധമല്ലാത്ത എന്തെങ്കിലും സഹകരണപ്രസ്ഥാനം രൂപീകരിക്കാന് ആഗ്രഹമുണ്ടെങ്കില്, അതു ഒരു താള് ഉപയോഗിക്കാനാണെന്നിരിക്കിലും, ദയവായി സൗജന്യമായോ പണത്തിനോ അത്തരം വിക്കി ഹോസ്റ്റിങ്ങ് പ്രദാനം ചെയ്യുന്ന ദാതാക്കളെ സമീപിക്കാന് താത്പര്യപ്പെടുന്നു. ആവശ്യമെങ്കില് നിങ്ങള്ക്ക് സ്വന്തം സെര്വറില് വിക്കിനിഘണ്ടുവിനു പിന്നില് ശക്തികേന്ദ്രമായി പ്രവര്ത്തിക്കുന്ന മീഡിയാവിക്കി സോഫ്റ്റ്വെയര് ഇന്സ്റ്റാള് ചെയ്യുകയും ചെയ്യാവുന്നതാണല്ലോ.
- വിക്കിനിഘണ്ടു ഒരു യുദ്ധക്കളമല്ല. ഓരോ ഉപയോക്താവും സംസ്കാരത്തോടെ, ശാന്തതയോടെ സഹകരണമനോഭാവത്തോടെ മാത്രം സഹഉപയോക്താക്കളോട് പെരുമാറേണ്ടതാണ്. താങ്കളുമായി അഭിപ്രായവ്യത്യാസമുള്ള സഹഉപയോക്താക്കളെ അധിക്ഷേപിക്കുകയോ, അലട്ടുകയോ, ഭീഷണിപ്പെടുത്തുകയോ ചെയ്യാന് പാടില്ല. പിന്നെയോ, വിവേകത്തോടെ, ഉപചാരപൂര്വ്വം ചര്ച്ചകളില് പങ്കെടുക്കുക. താന് പിടിച്ച മുയലിന് രണ്ടു കൊമ്പ് എന്നു തെളിയിക്കാന് വേണ്ടി താളുകള് തുടങ്ങുകയോ തിരുത്തുകയോ ചെയ്യരുത്. വിക്കിനിഘണ്ടുവിനെതിരെയോ അതിലെ ഉപയോക്താക്കള്ക്കെതിരെയോ വിക്കിമീഡിയ ഫൗണ്ടേഷനെതിരേയോ വ്യവഹാര ഭീഷണികള് നടത്തരുത്. ഭീഷണികള് വച്ചുപൊറുപ്പിക്കുന്നതല്ല; അത്തരം നടപടികള് വിലക്ക് ക്ഷണിച്ചുവരുത്തും.
- വിക്കിനിഘണ്ടു ഇളംപ്രായക്കാര്ക്കായി സെന്സര് ചെയ്തിട്ടില്ല. ഒന്നാമതായി, ആര്ക്കും വിക്കിനിഘണ്ടു തിരുത്താവുന്നതാണ്. പ്രസ്തുത തിരുത്തല് പെട്ടെന്നുതന്നെ താളില് വെളിവാകുകയും ചെയ്യും. അതിനാല് ഒരു കുട്ടിയും അശ്ലീലമായതൊന്നും കാണില്ല എന്ന് ഞങ്ങള്ക്ക് ഉറപ്പുനല്കാനാവില്ല. രണ്ടാമതായി, വ്രണപ്പെടുത്താന് സാധ്യതയുള്ള കാര്യങ്ങള് നീക്കം ചെയ്യാനുള്ള ഒരു സംഘടിത വ്യവസ്ഥ വിക്കിനിഘണ്ടുവില് നിലവിലില്ല. എന്നാല്, താളുകള് സമന്വയത്തിന്റെ അടിസ്ഥാനത്തില് സെന്സര് ചെയ്യപ്പെട്ടേക്കാം, അങ്ങനെ ചെയ്യപ്പെടാറുമുണ്ട്.
ഈ ഇനം അപൂര്ണ്ണമാണ്. ശരിയായ നിര്വചനം നല്കിയോ നിലവിലുള്ളവയോടൊപ്പം കൂടുതല് നിര്വചനങ്ങള് ചേര്ത്തോ ആവശ്യമായ ശബ്ദം, ചിത്രങ്ങള് എന്നിവ നല്കിയോ ഇതു പൂര്ത്തിയാക്കുവാന് വിക്കിനിഘണ്ടുവിനെ താങ്കള്ക്ക് സഹായിക്കാവുന്നതാണ്.
