കുത്തുക
വിക്കിനിഘണ്ടു, ഒരു സ്വതന്ത്ര ബഹുഭാഷാനിഘണ്ടു.
ഉള്ളടക്കം |
[തിരുത്തുക] ഉച്ചാരണം
[തിരുത്തുക] മലയാളം
[തിരുത്തുക] ക്രിയ
- മുനയുള്ള ആയുധമോ മറ്റുപകരണമോ കൊണ്ട് എന്തിന്റെയെങ്കിലും നേര്ക്കു ബലമായി പ്രയോഗിക്കുക, മുറിവേല്പ്പിക്കുക. ഉദാ. കുടകൊണ്ടു കുത്തുക
- മൃഗങ്ങള് കൊമ്പുകൊണ്ടോ തേറ്റകൊണ്ടോ മറ്റോ ആക്രമിക്കുക
- ക്ഷുദ്രജീവികള് ദംശിക്കുക
- ക്ഷുദ്രജീവികള് തിന്നു തുളയുണ്ടാക്കുക. ഉദാ. പുഴുകുത്തിയ അരി
- തുളയ്ക്കുക, ദ്വാരം ഉണ്ടാക്കുക
- ആഘാതം ഏല്പ്പിക്കുക (കൈകൊണ്ടോ മറ്റോ) ഉദാ. മുഷ്ടികൊണ്ടു കുത്തുക, കാലുകൊണ്ടു കുത്തുക
- ശ്രദ്ധയാകര്ഷിക്കാനായി വിരലുകൊണ്ടോ മറ്റോ മൃദുവായി സ്പര്ശിക്കുക
- (ആല.) വാക്കും മറ്റും ഉപയോഗിച്ചു മനസ്സിനുവേദനയുണ്ടാക്കുക
- ധാന്യങ്ങളുടെ ഉമിയും തോടും വേര്പെടുത്തുക;
- ഇടിച്ചുചതയ്ക്കുക;
- തുന്നുക, തയ്ക്കുക;
- പരസ്പരം ബന്ധിക്കുക, ഇല കുമ്പിളുപോലെയോ മറ്റോ കോട്ടുക;
- തെറ്റായി എഴുതിയ ഭാഗം പുറത്തുമറ്റടയാളങ്ങള് രേഖപ്പെടുത്തി വായിക്കാതാക്കുക, വെട്ടിക്കളയുക;
- കുത്തനെവയ്ക്കുക;
- ഊന്നിനിറുത്തുക, നാട്ടിനിറുത്തുക;
- വിത്തോശാഖകളോ മുളപ്പിക്കാന്വേണ്ടി മണ്ണില് താഴ്ത്തുക, നടുക;
- കുഴിക്കുക, കുഴിച്ചുണ്ടാക്കുക (കിണറ്, കുളം, ചാല് മുതലായവ);
- നിര്മിക്കുക, ഉണ്ടാക്കുക (വീട്, കയ്യാല, വേലി, വരമ്പ് മുതലായവ);
- കോരിയെടുക്കുക (ചെളി, ചെളിക്കട്ട മുതലായവ);
- എടുത്തുകളയുക (ഇടയിലുള്ള അഴുക്കോ മറ്റോ കളയുന്നതിനെക്കുറിച്ച്) ഉദാഃ പല്ലുകുത്തുക;
- ഊന്നുക (വള്ളം എന്നപോലെ);
- താങ്ങായി നിലത്തൂന്നുക (വടിഎന്നപോലെ);
- ബലമായിത്തട്ടുക (അളയില് കമ്പുകൊണ്ടെന്നപോലെ); 24. അച്ചുപതിപ്പിക്കുക, അടയാളപ്പെടുത്തുക (ഒപ്പോ മുദ്രയോപോലെ);
- ലേപനവസ്തുക്കള് ഉപയോഗിച്ച് (ശരീരത്തില്) അടയാളം ഉണ്ടാക്കുക, കുറിയിടുക. ഉദാഃ പൊട്ടുകുത്തുക;
- തകര്ക്കുക, നശിപ്പിക്കുക;
- എതിര്ക്കുക, മത്സരിക്കുക. ഉദാഃ തമ്മില്ക്കുത്തുക. കെട്ടിയ മരത്തിനെ കുത്തരുത് (പഴ);
- തിരുകുക, ചൊരുകുക (വസ്ത്രം എന്നപോലെ);
- സംഭോഗംചെയ്യുക (അസഭ്യം);
- ഇടകലര്ത്തുക (ചീട്ടെന്നപോലെ). ഉദാഃ ചീട്ടുകുത്തുക;
- പ്രവേശിക്കുക (മനുഷ്യര് പ്രവേശിക്കുന്നതിനെപ്പറ്റി) ഉദാഃ കാലുകുത്തുക;
- തറയില്തൊടുക, സ്പര്ശിക്കുക, മുട്ടുകുത്തിനില്ക്കുക;
- കൈവിരലുകളുടെ നഖംകൊണ്ടു ഞെക്കിപ്പൊട്ടിക്കുക (ചൊറിയെന്നപോലെ);
- അമര്ത്തുക. ഉദാഃ കഴുത്തിനു കുത്തിപ്പിടിക്കുക;
- ഒഴുക്ക് കരകളെ തകര്ക്കുക. ഉദാഃ കുത്തിയൊലിക്കുക;
- കുരുവേര്പെടുത്തുക (പുളിയരി മാറ്റുന്നതുപോലെ) ഉദാഃ പുളികുത്തുക, അണ്ടികുത്തുക;
- ഭൂമിയില് ഊന്നുക;
- ഊക്കോടെ തട്ടി വേര്പെടുത്തുക (കമ്പുകൊണ്ടോ കഴകൊണ്ടോ എന്നപോലെ) ഉദാഃ തോട്ടകൊണ്ടു തേങ്ങ കുത്തിയിടുക. കുത്തിയടര്ത്തുക = വടികൊണ്ടോ തോട്ടകൊണ്ടോ മറ്റോ ബലമ്പ്രയോഗിച്ചു പറിക്കുക. കുത്തിയുറപ്പിക്കുക = ഇടിച്ചുറപ്പിക്കുക. കുത്തിക്കയറുക = കൊണ്ടുകയറുക, തറയ്ക്കുക
[തിരുത്തുക] പ്രയോഗങ്ങള്
മുഷ്ടികൊണ്ടു കുത്തുക പുഴുകുത്തിയ അരി പൊട്ടുകുത്തുക കുത്തിയൊലിക്കുക
[തിരുത്തുക] തര്ജ്ജമകള്
 |
Cleanup has been requested for this article. See Wiktionary:Requests for cleanup - (Add entry) or the talk page of this article for details. Reason: ഒന്നുകൂടി മെച്ചപ്പെടുത്തേണ്ടതുണ്ട് Once you have finished cleaning up this article, please remove this notice. You may also remove this notice if no reason has been given for placing it here. |
ഈ ഇനം അപൂര്ണ്ണമാണ്. ശരിയായ നിര്വചനം നല്കിയോ നിലവിലുള്ളവയോടൊപ്പം കൂടുതല് നിര്വചനങ്ങള് ചേര്ത്തോ ആവശ്യമായ ശബ്ദം, ചിത്രങ്ങള് എന്നിവ നല്കിയോ ഇതു പൂര്ത്തിയാക്കുവാന് വിക്കിനിഘണ്ടുവിനെ താങ്കള്ക്ക് സഹായിക്കാവുന്നതാണ്.
